Најмалку 20 лица, меѓу кои и деца, загинаа во израелски воздушен напад врз училиште, претворено во засолниште во централниот дел на Појасот Газа, соопштија локалните болници.
Во нападот синоќа (13 октомври) во Нусејрат загинаа и две жени. Во училиштето беа сместени некои од многуте Палестинци раселени од повеќе од едногодишната војна во Газа.
Видете и ова: Израелски напади во Газа - Хезболах нападна база јужно од ХаифаСпоред Министерството за здравство на Газа, над 42 000 Палестинци се убиени во бомбардирањето и копнената операција на Израел во Газа. Податоците на министерството не прават разлика меѓу борци и цивили.
Палестински медиуми, доцна синоќа јавија дека во израелски воздушен напад во Појасот Газа загинале пет деца.