Мајка и дете пронајдени мртви во тетовско Слатино

Мајка, на возраст од 36 години, и нејзината четиригодишна ќерка биле пронајдени мртви во нивната семејна куќа во селото Теарце, тетовско.

Случајот во полиција го пријавил доктор кој претходно бил повикан за интервенција од страна на мајката на починатата жена, која ги пронашла телата на нејзините ќерка и внука.

„Веднаш било постапено по пријавата при што СВР Тетово во содејство со јавен обвинител извршиле увид, а по наредба на обвинителот телата на починатите биле предадени за обдукција. Нејзиниот сопруг Р.Ш. (50) заедно со нивниот малолетен син, ќе бидат префрлени во Клиничка болница Тетово за укажување на лекарска помош, а потоа Р.Ш. ќе биде задржан во полициска станица за понатамошна постапка“, велат од СВР Тетово.

Видете и ова: Молкот „соучесник“ во убиства на жените

Од понатамошната истрага и обдукцијата се очекува да има повеќе информации за околностите во кои настанала смртта на мајката и детето.