Во текот на вчерашниот ден (22 август) на територијата на Северна Македонија имало вкупно 10 пожари на отворено, информираше Центарот за управување со кризи (ЦУК).
Од нив, девет се изгаснати, а еден е ставен под контрола.
Како што информираа од ЦУК, под контрола е пожарот во Општина Демир Хисар, кај Плакенска планина, над село Вирово. Со пожарот е зафатена ниска вегетација и сува трева.
Видете и ова:
Ангелов: Нови ер-трактори се поевтини од штетата од пожаритеИзгаснатите пожари, пак, биле на териториите на општините Радовиш, Градско, Струга, Тетово Гостивар, Врапчиште, Студеничани и Чаир.
Во текот на јули и август, Северна Македонија беше зафатена со големи шумски и други пожари на отворено. Изгоре површина од стотици хектари. Во гаснењето, македонските служби добиваа помош и од земјите од регионот, како и од членки на НАТО и ЕУ.