И денеска ќе биде топло, попладне со локален пороен дожд

Во сабота на 17 август ќе се задржи топло време, во попладневните и вечерните часови ќе има локална појава на нестабилност со пороен дожд, грмежи и услови за краткотрајно невреме.

Од недела до средината на следната седмица времето ќе биде променливо облачно и нестабилно со постепен пад на дневната температура.

Видете и ова: Портокалова фаза во цела држава, Владата со препораки за превенција

На повеќе места процесите ќе бидат во форма на невреме со интензивен пороен дожд, грмежи, силен ветер и град, соопшти УХМР.

Минималните температури ќе бидат во интервал од11 до 22, а максималните дневни ќе достигнат до 37 степени.