Во Србија четири пати повеќе случаи на ковид споредено со истиот период лани

Институтот за јавно здравје на Србија објави дека во втората недела од август се регистрирани 1.040 лица заразени со корона вирусот од нешто повеќе од 3.000 тестирани.

„Тоа е за 16,6 отсто помалку тестирани, но околу четири пати повеќе потврдени случаи отколку во истата недела во 2023 година“, објави Институтот за Радио Слободна Европа (РСЕ).

Исто така, се наведува дека поголемиот дел од пациентите имаат лесна до умерено тешка клиничка слика која не бара болничко лекување, но може успешно да се лекува дома со одмор и терапија.

Институтот објави и дека оваа година летниот бран на Ковид-19 во цела Европа започнал неколку недели порано од лани, но дека засега ги има истите карактеристики.

Во неколку земји од европскиот регион, бројот на пријавени случаи на корона се зголемува, соопшти Светската здравствена организација (СЗО) за РСЕ на крајот на јули.

Видете и ова:

Заболени од Ковид има, простор за паника засега нема

Европскиот центар за превенција и контрола на болести тогаш објави дека хоспитализациите поради Ковид-19, приемите на интензивна нега и смртноста се сè уште ниски во земјите на Европската унија.

„Сепак, релативното зголемување на активноста на SARS-CoV-2 во текот на изминатите два месеци ја нагласува континуираната потреба да се следи влијанието на вирусот на национално и регионално ниво“, забележуваат тие.

Од 2020 година и почетокот на пандемијата на корона вирусот, регистрирани се 775 милиони луѓе заразени со корона вирусот, а седум милиони луѓе починале како резултат на тоа, покажуваат податоците на СЗО.

Видете и ова:

СЗО: На Олимписките игри во Париз повеќе од 40 спортисти позитивни на ковид-19

Во мај 2023 година, Светската здравствена организација прогласи крај на пандемијата COVID-19.

„По првичните големи пандемични бранови по појавата на корона вирусот, вирусот сега има постојано присуство, со периодични епидемии неколку пати годишно кај повеќето популации ширум светот“, велат од организацијата за РСЕ.

Тие додаваат дека на немањето целосна слика влијае и тоа што многу земји во Европа, вклучително и Западен Балкан, го намалуваат надзорот на респираторните болести и активностите за известување во текот на летните месеци.