Рускиот истражен комитет на 6 август соопшти дека уште еден поранешен функционер на Министерството за одбрана е уапсен под обвинение за корупција, во услови на тековна акција против претставници на одбраната.
Владимир Демчик, поранешен началник на одделот за имот на Министерството, е осомничен дека примил 4 милиони рубљи (46.900 американски долари) како поткуп за да обезбеди договори за министерството со приватен бизнис во 2017 година.
Неколку други високи воени функционери и претставници на Министерството за одбрана беа уапсени под обвиненија за корупција претходно и откако претседателот Владимир Путин го разреши својот долгогодишен сојузник Сергеј Шојгу од функцијата министер за одбрана во средината на мај.
Видете и ова: Русија истражува функционери на Министерството за одбрана за проневераПоранешниот прв вицепремиер Андреј Белоусов ја презеде функцијата Шојгу.
Најмалку десетина луѓе сега се фатени во најголемиот бран корупциски скандали што ја погодија руската војска и одбрана.
Започна на 23 април со апсењето на Тимур Иванов, заменик-министерот за одбрана обвинет за примање мито од градежна компанија. Меѓу другите уапсени оттогаш се воен генерал-мајор и заменик началникот на Генералштабот, како и бизнисмени осомничени за плаќање мито.
Истрагите укажуваат на сериозни напори на Кремљ да ја искорени корупцијата во војската речиси две и пол години по почетокот на војната во Украина.