Претседателот на Бангладеш, Мохамед Шахабудин, во вторник, на 6 август, го распушти националниот парламент, создавајќи услови за формирање на привремена влада откако поранешната премиерка Шеик Хасина беше протерана во понеделникот по масовните протести.
„Одлуката за распуштање на парламентот е донесена по разговорите на претседателот со шефовите на трите кабинети на вооружените сили, лидерите на различни политички партии, претставници на граѓанското општество и лидерите на Студентското движење против дискриминација“, соопштија од претседателскиот кабинет.
Парламентот на оваа муслиманска земја од 170 милиони жители беше формиран по изборите одржани на 7 јануари, а кои беа бојкотирани од главните политички партии.
Хасина, која е на власт во земјата 15 години, повторно стана премиер бидејќи нејзината партија Авами лига освои огромно мнозинство на изборите.
Во соопштението од кабинетот на претседателот се наведува и дека поранешната премиерка Каледа Зија, претседател на Националистичката партија на Бангладеш и главен политички ривал на Хасина, е ослободена.
Во понеделникот владата објави дека таа ќе биде ослободена.
Видете и ова: Премиерката на Бангладеш поднесе оставка, Армијата ја презеде властаЗија беше осудена за неколку случаи на уцена во 2018 година и живееше во нејзиниот дом во главниот град Дака, откако беше условно ослободена во 2022 година од хуманитарни причини, кога владата и ја суспендираше затворската казна.
Во соопштението се наведува и дека е започнат процесот на ослободување на политичките затвореници, вклучително и уапсените за време на протестите против дискриминација на студентското движење.
Премиерката на Бангладеш, Шеик Хасина во понеделникот поднесе оставка и ја напушти земјата каде, според агенцијата АФП, најмалку 300 луѓе се убиени во судирите меѓу демонстрантите и поддржувачите на владата од почетокот на протестите во јули.
Армијата на Бангладеш набргу потоа објави дека ќе ја преземе и ќе формира привремена влада. Демонстрациите во оваа азиска земја започнаа бидејќи студентите и младите дипломирани студенти бараа укинување на системот на позитивна дискриминација според кој на семејството им беше обезбедена квота од 30 отсто владини работни места за членови на семејствата на луѓе кои се бореле во војната за независност од Пакистан во 1971 година.
Врховниот суд на Бангладеш на крајот на јули пресуди дека оваа квота треба да се намали на 5%.