Девет членови на персоналот на Агенцијата за помош и работа на Обединетите нации за палестинските бегалци (UNRWA) можеби биле вклучени во нападот на Хамас врз Израел на 7 октомври 2023 година, а нивниот работен однос ќе биде прекинат, објавија Обединетите нации на 5 август.
„За девет лица доказите беа доволни за да се заклучи дека можеби биле вмешани во нападите на 7 октомври“, рече заменик портпаролот Фархан Хак.
Видете и ова: Иран има право да го казни Израел, но сака да избегне ескалацијаМилитантната палестинска организација Хамас на 7 октомври изврши напад врз Израел, во кој беа убиени околу 1.200 луѓе, главно цивили, а околу 250 лица беа земени како заложници.
Во масовната израелска офанзива што следеше, загинаа најмалку 39.580 Палестинци, според Министерството за здравство на Газа, управувано од Хамас.
Тешките воздушни напади и копнените операции предизвикаа големи разурнувања и го раселија огромното мнозинство од 2,3 милиони жители на Газа.