Лилија Чанишева, затворенaта поранешна шефица на тимот на починатиот руски опозициски лидер Алексеј Навални во Башкортостан, е префрлена од затвор во регионот Перм во непознат објект без нејзините роднини да бидат информирани.
Сопругот на Чанишева, Алмаз Гатин, напиша на мрежата „X“ на 29 јули дека кога пристигнал во затворот еден ден претходно за да и достави пакет на сопругата, официјалните лица му рекле дека таа била префрлена во друг објект на 27 јули, но одбиле да кажат каде и зошто Чанишева е префрлена.
„Ги молам сите за помош за да ја најдам мојата сопруга: Ве молам известете ме ако знаете нешто за тоа каде се наоѓа Чанишева“, напиша Гатин.
Чанишева првично беше осудена на 7 и пол години затвор во јуни 2023 година, откако судот во Уфа, главниот град на Башкортостан, ја прогласи за виновна за создавање екстремистичка заедница, поттикнување екстремизам и основање организација која ги крши правата на граѓаните. Во април , Врховниот суд на Башкортостан ја продолжи затворската казна на Чанишева за две години по жалбата на обвинителите кои рекоа дека нејзината првична казна за екстремизам била премногу блага.
Видете и ова: Критичарот на Кремљ, Кара-Мурза, е префрлен во затворска болницаЧанишева ја предводеше локалната единица на мрежата на регионални кампањи на Навални се додека неговиот тим не се распадна откако московскиот обвинител на суд ги означи како „екстремистички“ во 2021 година.
Етикетата ефикасно ја забрани групата.
Одбранбениот тим на Чанишева рече дека обвиненијата се чини дека се ретроактивни на временскиот период пред организацијата за која таа работела да биде законски класифициран како екстремистичка.
Навални почина на 16 февруари во затвор на Арктикот додека отслужуваше 19-годишен затвор за екстремизам и други обвиненија за кои тој и неговите поддржувачи рекоа дека се лажни и политички мотивирани.
Неколку опозициски лидери и соработници на Навални оттогаш беа обвинети за основање екстремистичка група.