Најмалку 140 луѓе беа повредени во понеделникот (29 јули) во јужна Русија кога воз со 800 патници се судри со камион на рамен премин, при што осум вагони излетаа од шините, соопшти Руските железници.
Машиновозачот на возот, кој сообраќал од Казан во Татарстан кон Адлер на Црното Море, закочил кога го видел камионот Камаз, чиј возач ги прекршил сообраќајните правила и влегол на преминот и покрај алармите, додаваат од Руската железница.
Возот удрил во камионот со брзина од околу 65 километри на час во близина на станицата Котелниково, лоцирана во јужниот дел на Волгоградската област, на околу 1.200 километри јужно од Москва.
Видете и ова: Железничкиот сообраќај во Франција нормализиран по саботажата„Околу 140 луѓе се здобија со исекотини и модринки“, соопшти Руската железница, додавајќи дека 15 лица, меѓу кои три деца, се пренесени на лекување во болница, објави каналот „Маш телеграм“, кој објави видео на кое се урнаа остатоците од камионската кабина и маж со крв на лицето, за кој се вели дека е возачот.
Маш претходно објави дека во сударот загинале две лица, но тоа не го потврдија руските власти.
Руското Министерство за вонредни состојби соопшти дека пожарникарите и спасувачите се обидуваат да ги ослободат патниците, наведувајќи дека вкупно девет вагони излетале од шините.