Поплави, сообраќаен хаос и блокирани патишта поради паднати дрвја предзивика големото невреме со град што ја погоди синоќа јужната германска покраина Баварија, јавува германската новинска агенција ДПА.
Во градот Кемптен, југозападно од Минхен, службите за итни случаи пријавиле околу 320 интервенции помеѓу 18 часот и полноќ.
Видете и ова: Жештините и невремињата не се исти како пред десет години
Најпогодени се регионот Алгау и областа Линдау, во близина на Боденското езеро и границата со Австрија. Во тек е расчистување и испумпување на водата од поплавените објекти.
Уште 230 интервенции се пријавени во Розенхајм. Службите за итни случаи интервенирале на поплавените визби и паднати дрва на патиштата и на пруги.
Нема информации за повредени.