Иран и Бахреин се договорија да започнат разговори за обновување на билатералните дипломатски односи кои беа прекинати во 2016 година, објавија во понеделник (24 јуни) иранските медиуми.
Во извештајот на државната новинска агенција ИРНА, се наведува дека иранскиот министер за надворешни работи Али Багери Кани и неговиот колега од Бахреин Абдулатиф Рашид ал Зајани разговарале на маргините на самитот Азиски дијалог за соработка во Техеран, пишува АП.
Во извештајот се наведува дека двете страни се договориле да создадат рамка за почеток на разговорите за условите за обновување на дипломатските односи.
Видете и ова:
Иран планира формирање поморски сојуз со земји од ЗаливотОва е втора посета на Ал-Зајани на Техеран за еден месец. Првата се случи за време на комеморацијата на претседателот Ебрахим Раиси, кој загина во хеликоптерска несреќа во мај.
Бахреин ги прекина дипломатските односи со Иран откако Саудиска Арабија ги прекина дипломатските односи со Техеран откако Ријад погуби опозициски шиитски свештеник и по нападот врз саудиската дипломатска мисија во Иран во 2016 година.
Иран и Саудиска Арабија ги обновија дипломатските односи во 2023 година.