Новинарката на Радио Слободна Европа (РСЕ), Марија Тумановска, ја доби првата награда за професионално известување за состојбата на бегалците и лицата без државјанство во Република Северна Македонија за 2023 година.
Наградата ја доделува Македонското здружение на млади правници (МЗМП) во партнерство со УНХЦР – Агенцијата на ОН за бегалци и Здружението на новинарите на Македонија (ЗНМ).
Видете и ова:
Украинските бегалци во Македонија: Живееме од денеска за утреНаградената сторија РСЕ ја објави на 8 февруари 2023 година под наслов „Украинските бегалци во Македонија: Живееме од денеска за утре“.
Преку приказните на три семејства кои поради руската инвазија избегале од Украина во Северна Македонија, сторијата ги раскажува патешествијата низ кои поминуваат украинските државјани соочени со војната, но и новиот живот и проблемите со кои се соочуваат во Скопје.
Вашиот пребарувач не подржува HTML5
Војната нè научи да не планираме долгорочно, велат украинските бегалци во Македонија
Втората награда од јавниот повик професионално известување за состојбата на бегалците и лицата без државјанство ја доби Симона Петровска за сторијата „Кога системот произведува жртви-Мемет Камбер замина во смртта без лична карта“ објавена на ТВ Телма.-медиум на објавување: ТВ Телма, а третата Урим Хасипи за приказната со наслов „Африм Бериша од Тетово дал мито за лични документи“ објавена на ТВ Коха Тетово.