Убиство во Боговиње, напаѓачот уапсен

Во тетовското село Боговиње денеска се случило убиство, откако едно лице било лишено од живот со огнено оружје, соопшти Јавното обвинителство.

Сторителот е идентификуван и лишен од слобода, а кај него било пронајдено и оружјето со кое го извршил делото.

Од обвинителството велат дека дежурен јавен обвинител од Основното јавно обвинителство Тетово извршил увид на лице место во Боговиње.

Видете и ова: Отворена истрага против седуммина за улична продажба на дрога

Според првичните информации, настанот се случил во угостителски објект во кој во тој момент имало и други лица.

Обвинителството наведува дека осомничениот и жртвата имале вербална расправија, по што сторителот извадил огнено оружје и започнал да пука.

„Јавниот обвинител издаде наредба за обдукција на телото на починатиот, како и наредба за прибирање и вештачење на траги од лице место. Ќе се вршат разговори со сведоци на настанот и со други лица“, велато од Обвинителството.