На 31 мај, вооружен напаѓач рани неколку лица со нож на централниот плоштад во југозападниот германски град Манхајм, соопшти полицијата.
Полицијата пукала во напаѓачот при што го повредила, пишува Асошиетед Прес.
Нападот се случил во 11:30 часот по локално време, а полицијата соопшти дека не може веднаш да прецизира колку лица се повредени или степенот на нивните повреди.
Меѓу повредените има и полицаец, а во соопштението се наведува дека веќе нема никаква опасност за граѓаните.
Засега нема официјални информации за мотивот на нападот.
Сепак, групата наречена Pax Europa, која се опишува себеси како организација која ја информира јавноста за опасностите од „зголеменото ширење и влијанието на политичкиот ислам“, рече дека нападот се случил на маргините на настанот што го организирала.
Тие објавија дека меѓу ранетите е и Михаел Стурценбергер, антиисламски активист кој зборувал на нивните настани.
Министерката за внатрешни работи Ненси Фезер рече дека мотивот ќе го утврди истрагата.
Таа во изјавата наведе дека, „доколку истрагата покаже исламистички мотив, тоа ќе биде уште една потврда за големата опасност од насилни исламистички акти на кои предупредувавме“.
Канцеларот Олаф Шолц на социјалната мрежа „Х“ објави дека „сликите од Манхајм се страшни“ и дека „насилството е апсолутно неприфатливо во нашата демократија“.