Исмаил Ханије, политичкиот лидер на Хамас – организација која САД и ЕУ ја прогласија за терористичка, започна разговори со турскиот претседател Реџеп Таип Ердоган во Истанбул на 20 април.
Разговорите започнаа во услови на високи тензиите на Блискиот исток, објавија турските медиуми.
Ердоган се обиде, но не успеа се да воспостави како посредник во палестинскиот конфликт што го разбранува регионот од 7 октомври.
Видете и ова: Шест деца и тројца возрасни загинаа во израелски воздушен напад во РафаТурските медиуми објавија дека средбата се одржала во палатата Долмабахче на брегот на Босфорот.
Хамас има канцеларија во Турција од 2011 година, кога Турција помогна да се обезбеди договорот за групата да го ослободи израелскиот војник Гилад Шалит.
Војната избувна по упадот на Хамас и други милитантни групи во јужен Израел на 7 октомври, во кој беа убиени околу 1.200 луѓе, огромно мнозинство цивили, а околу 250 беа киднапирани и однесени во Газа.
Израел тврди дека околу 130 заложници се уште се во Газа, иако повеќе од 30 се потврдени за мртви - убиени на денот на упадот или умреле во заробеништво.
Според последните податоци, вкупниот број на загинати Палестинци во војната меѓу Израел и Хамас се искачи на 34.049, додека 76.901 лице се повредени, според Министерството.