Денеска не очекува сончево и топло време со мала до умерена облачност. Ќе дува слаб до умерен ветер, а во некои делови долж Повардарието и во источните делови повремено засилен ветер од северен правец, велат од Управата за хидрометеоролошки работи.
Минималната температура ќе биде во интервал од 3 до 13, а максималната ќе достигне од 24 до 30 степени.
Во Скопје ќе биде сончево и топло со мала облачност. Ќе дува слаб до умерен ветер од северен правец. Минималната температура ќе се спушти до 11, а максималната ќе достигне 29 степени. Слично време не очекува и во текот на утрешниот ден и в понеделник.
Видете и ова: Минатиот месец бил најтоплиот март во историјата на мерењатаНо, од УХМР предупредуваат дека во вторник во текот на ноќта, а особено во среда под влијание на влажна и нестабилна воздушна маса ќе има врнежи од дожд кои локално ќе бидат обилни во форма на невреме проследени со грмежи и силен ветер. Температурите од среда ќе бидат во опаѓање.