Енергетскиот објект во јужниот украински регион Дњепропетровск бил оштетен во петок утрото (12 април) по пожар и напад со руски беспилотни летала, соопштија украинската војска и регионален претставник.
Остатоци од четири соборени руски беспилотни летала паднале на територијата на инфраструктурен објект во областа Криворишка и го запалиле, соопшти војската, додавајќи дека пожарникарите го изгаснале пожарот.
„Не е можно веднаш да се процени степенот на штетата“, изјави регионалниот шеф Серхиј Лисак.
Електраната Трипилска, главниот снабдувач на електрична енергија за регионите Киев, Черкаси и Житомир, беше уништена од руски проектили во четвртокот (11 април).
Видете и ова:
Украинскиот парламент го усвои контроверзниот закон за зголемување на бројот на војнициВо меѓувреме, противвоздушните системи соборија 16 од 17 беспилотни летала лансирани од Русија во шест украински региони во петокот рано наутро, соопшти украинското воздухопловство на социјалните мрежи.
„Одбранбените сили на Украина соборија 16 беспилотни летала Шахед во регионите Миколаев, Одеса, Керсон, Дњепропетровск, Виница и Хмелницки“, се вели во објавата на Фејсбук.
Во последниве денови, Русија извршува огромни воздушни напади и напади со беспилотни летала против украинската цивилна и енергетска инфраструктура.