Францускиот претседател Емануел Макрон ја повика француската одбранбена индустрија трајно да го зголеми производството на оружје во услови на војна во Украина.
„Мораме трајно да се подготвиме за геополитичка и геостратешка промена во која одбранбената индустрија ќе игра растечка улога“, рече Макрон поставувајќи камен-темелник за нова фабрика за експлозивен прав за компанијата Еуренко во југозападниот град Бержерак.
„Потребна е воена економија за да може Украина да биде снабдена со оружје за да се одбие руската инвазија, како и за нашата одбрана“, рече тој и додаде дека „оваа динамика почна во Европа и светот и таа е исто така во наша корист“.
Видете и ова: Шведска ќе издвои 36 милиони долари за изградба на засолништа и цивилна одбранаНа пример, производството на хаубици испорачани во Украина се зголеми за три пати, што исто така го зголемува извозот на оружје. Европа не може да се откаже од Украина, се работи и за сопствената безбедност, нагласи Макрон.
„Ние Европејците мора да направиме повеќе и побрзо ако Соединетите Држави ги нема таму, ние Европејците мора да се мобилизираме и да најдеме ново финансиско решени“, рече францускиот претседател.
Тој додаде дека на ова поле тесно соработуваат со Германија.
Русија ја почна инвазијата во Украина на 24 февруари 2022 година.