Украинскиот парламент во четврток (11 април) гласаше за законот со кој ќе се регулира начинот на регрутирање на граѓаните, по неколкумесечни одложувања и откако беа поднесени илјадници амандмани за да се ублажи првичниот нацрт кој беше прилично непопуларен.
Законот воведува голем број измени со проширување на овластувањата на украинските власти да објавуваат повици за мобилизација користејќи електронски систем.
Парламентот го одложуваше донесувањето на законот со месеци откако промената беше побарана од соборениот врховен командант на украинските сили Валериј Залужни, кој рече дека украинската војска треба да мобилизира 500 000 мажи за да ги пополни своите редови.
Видете и ова: Зеленски: Потребни се повеќе војници и опрема за да се запре руската офанзиваСегашниот врховен командант на армијата, Олександр Сирски и украинскиот претседател Володимир Зеленски оттогаш ја намалија првичната бројка, велејќи дека толкав број не е потребен, бидејќи војниците можат да ротираат одзади.