Гласањето за новиот парламент ќе започне во Индија на 19 април, објави државното изборно тело. Гласањето ќе се одвива етапно, а тоа се најголемите избори во светот каде право на глас имаат речиси милијарда луѓе.
Премиерот на земјата Нарендра Моди на изборите учествува со регионални сојузници, а противниците доаѓаат од дваесетина опозициски партии. Како што објави Ројтерс, анкетите покажуваат дека хинду националистичката партија на Моди, Бхаратија Џаната (БЈП) би можела да победи.
Речиси 970 милиони луѓе се регистрирани за гласање на повеќе од еден милион избирачки места, додека на изборите ќе учествуваат околу 2.400 политички партии.
Победата ќе го направи Моди (73), само вториот премиер по Џавахарлал Нехру, херојот на независноста на Индија, кој освои трет последователен мандат.
Видете и ова: Во Индија откриена мрежа за трговија со луѓе, завршиле како борци на Русија во УкраинаАктуелниот премиер со својата партија со месеци води кампања. Моди посетува различни делови од земјата речиси секој ден, учествува на верски настани и се обраќа на јавни и приватни состаноци.
Нему на изборите ќе му се спротивстави сојуз од дваесетина опозициски партии предводени од главната опозициска партија Конгрес наречена ИНДИЈА или Индиска алијанса за инклузивен национален развој.
Конгресот, кој владееше со Индија 54 од 76-те години од независноста од Британија, е на најниско ниво откако Моди дојде на власт и се бори да ја оживее поддршката.
Гласањето за Долниот дом на парламентот, кој има 543 места, ќе трае до 4 јуни. Најмалку 15 милиони вработени во владата, вклучително и наставници, ќе помогнат во спроведувањето на изборите.
Изборите се одржуваат во седум фази, резултатите се очекуваат на 4 јуни.