Забележаниот руски адвокат и отворен критичар на Кремљ, Илја Новиков, кој живее во Украина, изјави дека руските власти издале налог за негово апсење во отсуство.
Новиков се бара во Русија под обвинение за велепредавство и дистрибуирање на „лажни“ информации за руските вооружени сили вклучени во тековната инвазија на Москва на Украина.
Новиков отворено ја критикуваше целосната агресија на Русија против Украина.
Во јуни 2022 година, Адвокатската комора на Москва му ја поништи лиценцата на Новиков за адвокатура. Тој подоцна беше додаден во регистарот на „странски агенти“.
Новиков во моментот работи како адвокат во Киев.
Видете и ова:
Русија издаде налог за апсење во отсуство на писателот Борис АкунинПред неколку дена ист таков налог беше издаден и за рускиот писател Борис Акунин, кој е обвинет за повикување на „тероризам“ и ширење „лажни информации“ за руската војска.
Акунин беше меѓу десетиците руски писатели кои отворено ја осудија руската агресија врз Украина. На 24 февруари 2022 година, веднаш по почетокот на руската инвазија, тој на Фејсбук напиша дека „започна нова страшна ера“ во Русија.
Минатиот месец, руската финансиска контрола, Росфинмониторинг, го додаде Акунин на својата листа на „терористи и екстремисти“ без објаснување, но медиумите објавија дека Акунин е под истрага за наводна дискредитација на руските вооружени сили.