Обилните дождови и силните ветрови парализираа делови од американската сојузна држава Калифорнија, а според извештаите, невремето однесе животи на неколку луѓе.
Надлежните досега пријавија три жртви како последица на невремето.
Во близина на градот Сакраменто, маж бил погоден од дрво што паднало во неговиот двор, а подоцна починал од повредите.
Во неделата, две лица загинаа од паѓање дрвја во Северна Калифорнија.
Бурата, која првично беснееше во областа Сан Франциско, во понеделникот (6 февруари) отпатува појужно и стигна до Санта Барбара и Лос Анџелес.
Силниот дожд предизвика одрони, поплавени патишта и парализирано снабдување со електрична енергија. Националната метеоролошка служба предупреди на удари на ветер до 96 километри на час.
Видете и ова: Зимското невреме ширум САД предизвика голем број смртни случаиГувернерот на Калифорнија Гевин Њусом веќе во неделата предупреди на „сериозна бура со опасни и потенцијално опасни последици“ и прогласи вонредна состојба во неколку окрузи.
Причина за обилните врнежи е временскиот феномен наречен „атмосферска река“.
Националната метеоролошка служба во Лас Вегас соопшти дека станува збор за „концентриран канал на влага што потекнува од суптропските предели, кој носи влага и обилни врнежи во средните географски широчини“.
Бидејќи влажните воздушни маси што ја погодија Калифорнија главно доаѓаат од тропските морски региони во Пацификот околу Хаваите, тие се познати и како „Ананас експрес“.