Вести

ЕУ постигна договор за обезбедување 50 милијарди евра помош за Украина

Состанок во седиштето на Европската комисија на 1 февруари 2024 г.

Сите 27 земји на Европската Унија договорија 50 милијарди евра (54 милијарди долари) помош за Украина на самитот во Брисел, откако Унгарија претходно го блокираше договорот.

Украинскиот претседател Володимир Зеленски ја поздрави новата финансиска помош велејќи дека тоа ќе ја засили економската и финансиската стабилност на земјата. Министерството за економија на Украина соопшти дека очекува првата исплата на средствата да биде во март.

Веста за договорот претходно ја соопшти претседателот на Европскиот Совет, Шарл Мишел на платформата X,

„Имаме договор. Сите 27 лидери се согласија за дополнителен пакет за поддршка од 50 милијарди евра за Украина во рамките на буџетот на ЕУ. Ова значи стабилно, долгорочно, предвидливо финансирање за Украина. ЕУ презема лидерство и одговорност за поддршка на Украина, знаеме што е под ризик“, објави Мишел на платформата X.

Унгарскиот премиер Виктор Орбан, кој е најблизок сојузник на рускиот претседател Владимир Путин во ЕУ, рече дека сака да изврши ревизија на политиката на блокот за Украина и ја доведе во прашање идејата за обврската за финансирање на Киев во следните четири години.

Пакетот ќе помогне во исплата на пензиите и платите и другите трошоци за следните четири години. Ова доаѓа во период кога американскиот Конгрес ја замрзна американската воена помош за Украина.

„Добар ден за Европа“, порача претседателката на Европската комисија Урсула фон дер Лајен на мрежата Х.

Веста за договорот дојде помалку од два часа по почетокот на самитот, што изненади многу набљудувачи кои очекуваа разговорите да траат многу подолго со оглед на длабочината на несогласувањата меѓу Орбан и другите лидери во ЕУ.

Видете и ова: Борел: ЕУ ќе плати многу висока цена, ако не ја поддржи Украина

Во декември, Виктор Орбан стави вето на пакетот помош од 50 милијарди евра за Украина.

Украинскиот претседател Володимир Зеленски изјави дека е „благодарен“ на лидерите на ЕУ, нагласувајќи дека одлуката ја донеле сите 27 шефови на држави. Тој исто така рече дека пакетот „ќе ја зајакне долгорочната економска и финансиска стабилност“ на Украина.

Финансирањето беше важно за Украина финансиски – и затоа што треба Европа да остане обединета во својата поддршка.

Министерот за надворешни работи на Украина Дмитро Кулеба подвлече дека станува збор за инвестирање на Европа во сопствената безбедност. Беше нагласено дека Украина и дава отпор на Русија за сè - го блокира обидот на Владимир Путин со сила да го оспори светскиот поредок.

Полскиот премиер Доналд Туск, кој силно го критикуваше она што го нарече „чудна и егоистичка игра“ на Орбан, на мрежата Х објави: „Виктор Орбан може да биде 'убеден'... Продолжуваме понатаму“.

Пред почетокот на самитот за финансиска помош што очајно и е потребна на Украина, Унгарија и нејзиниот премиер Орбан се соочија со низа критики.

„Мислам дека нема проблем со таканаречениот „замор од Украина“. Се разбира, имаме замор со Орбан сега овде во Брисел... Не можам да разберам, не можам да го прифатам ова многу чудна и многу егоистична игра на Виктор Орбан“, изјави полскиот премиер Доналд Туск по пристигнувањето на самитот.

„Мораме да играме цврсто и фер, нема простор за компромиси. Нема средина: вие сте или на украинска или на руска страна“, додаде тој, велејќи дека „нема план Б“.

Видете и ова: Вонреден самит на ЕУ - обиди да се убеди Орбан да одобри помош за Украина

Естонската премиерка Каја Калас изјави дека не сака да го користи зборот уцена кога станува збор за Орбан, но дека не знае кој збор би бил посоодветен.

Покрај ветото на Орбан во декември, друг проблем за Киев е тоа што во американскиот Конгрес е блокиран предлог-законот за трошење кој вклучува помош за Украина од 61 милијарда долари, поради противењето на републиканските пратеници.

Орбан, единствениот лидер на ЕУ кој одржува топли односи со рускиот претседател Владимир Путин, постојано е во несогласување со другите европски лидери околу мерките за помош за Украина од почетокот на руската инвазија.

Тој изрази противење на санкциите на ЕУ против Русија, па дури и ја изнесе идејата за мировни преговори меѓу Москва и Киев.

Орбан, десничарски популист кој е на власт од 2010 година, се соочи со критики дека неговото противење на помошта од ЕУ за Украина е обид да го уценува блокот да плати милијарди евра од фондовите на ЕУ на Унгарија, пари кои Брисел ги замрзна поради владеењето на правото и демократијата прашања.