На 1 јануари Малта од Северна Македонија го презема едногодишното претседавање со Организацијата за безбедност и соработка во Европа (ОБСЕ).
Претседавач ќе биде Јан Борг, министер за надворешни работи на Малта.
На Министерскиот совет на ОБСЕ што се одржа на 1 декември 2023 година во Скопје, Борг ја истакна подготвеноста на Малта за претседателство.
„Едногласната одлука на сите 57 земји-членки е доказ за нашата заедничка посветеност да продолжиме да ја зајакнуваме нашата организација и покрај сите предизвици со кои моментално се соочуваме, гарантираме дека оваа организација ќе остане силна. ОБСЕ е создаден врз заеднички принципи и вредности. инклузивна платформа за ефективен дијалог и ќе се погрижиме да ја зајакнеме“, рече Борг.
ОБСЕ, чие седиште е во Виена, е основана во 1973 година и е најголемата меѓувладина безбедносна организација во светот со 57 земји членки и 11 земји партнери.
Помошникот државен секретар на САД за Европа и Евроазија, Џејмс О'Брајан, пак, во Скопје изрази очекување дека Малта како следен претседавач ќе заврши одлична работа во 2024 година и испрати порака до Русија, која ја блокира работата на организацијата од почетокот на инвазијата на Украина.
„Сега изборот е на земјите кои се обидуваат да ја блокираат работата на оваа организација за да видат дали се подготвени да застанат со цивилизираната заедница... или дали сакаат да продолжат со опструкциите. Во секој случај, ОБСЕ ќе функционира. Но, на нив е да изберат дали сакаат да бидат со нас во ова“, рече О'Брајан.
Министерот за надворешни работи на Северна Македонија, Бујар Османи, на 1 декември, на крајот од 30. Министерски совет на ОБСЕ во Скопје, изјави дека одлуката за претседавање на Малта е донесена едногласно.
На средбата во Скопје сите земји учеснички се согласија дека ОБСЕ мора да постои, но западните земји и Русија меѓусебно се обвинуваат дека сакаат да ја уништат организацијата.