Владата на САД одобри „итна“ продажба на речиси 14.000 тенковски гранати на Израел за употреба во војната против Хамас во Газа, без да поминат низ Конгресот.
Стејт департментот побара од Конгресот „итно“ одобрение за продажба на својот израелски сојузник на 13.981 гранати од 120 милиметри за опремување на борбените тенкови Меркава вклучени во офанзивата на палестинската територија, пишува АФП.
Видете и ова:
Администрацијата на Бајден „побара од Конгресот да одобри продажба на гранати на Израел“Оваа воена опрема е вредна 106,5 милиони долари.
„Државниот секретар Антони Блинкен утврди и детално му објасни на Конгресот дека постои итност веднаш да се продаде оваа опрема на израелската влада без парламентарна ревизија што се бара со законодавството за контрола на извозот на оружје“, објави Стејт департментот.