Британскиот крал Чарлс во своето прво обраќање во британскиот Парламент по неговото стапување на тронот, изјави дека Лондон ќе ја поддржи Украина, ќе работи на зајакнување на НАТО, но и дека одговорните „ќе ги сносат последиците од варварскиот тероризам против народот на Израел“.
Со говорот, Кралот Чарлс Трети денеска официјално ја отвори годишната седница на британскиот Парламент и го претстави законодавниот план на неговата Влада.
Кралот, кој служеше и во Кралската морнарица и во воздухопловните сили и оддаде почит на својата мајка Елизабета за нејзината служба и посветеност на нацијата, објави Би-Би-Си.
Видете и ова: Крунисувањето на Чарлс Трети историски ден за Велика Британија„Моите министри ќе соработуваат тесно со меѓународните партнери за да ја поддржат Украина, да гo зајакнат НАТО сојузот и да ги решат најтешките безбедносни прашања. Во ова влегуваат и последиците од варварските терористички акти извршени врз израелскиот народ, потоа, обезбедувањето хуманитарна помош за Газа и поддршка и стабилност на Блискиот исток“, порача британскиот крал Чарлс во говорот пред британскиот парламент.
Ова е првиот кралски говор по повеќе од 70 години.
Говорот на кралот, што е законска регулатива, го означува почетокот на новата парламентарна година, а последен пат машки монарх го одржал во 1951 година, иако не лично бидејќи кралот Џорџ Шести бил тешко болен.