Милорад Додик денеска беше реизбран за претседател на Сојузот на независни социјалдемократи (СНСД) со поддршка од 937 делегати кои избираа лидер на партијата.
На партискиот собор во Добој, прорускиот претседател на ентитетот Република Српска им се заблагодари на сите делегати кои му дадоа поддршка, со порака дека му дале сила да продолжи да се бори за Република Српска.
„Ние се бориме за слободата на српскиот народ. Уставот на Босна и Херцеговина зборува за правото на народите кои живеат во неа, а ние се залагаме за тоа“, рече Додик во своето обраќање пред СНСД по завршувањето на гласањето.
Видете и ова: Обвинителството на БиХ бара на Додик да му се забрани вршење на каква било јавна функцијаТој повтори дека Босна и Херцеговина е наметната и принудена заедница и дека во некој нареден период може да има можност да се предложи договор за мирно раздвојување меѓу Република Српска и Федерацијата Босна и Херцеговина.
Додик е под санкции од САД и Велика Британија, зашто се смета за пречка за Дејтонскиот мировен договор.