Пожарот што вчера попладне избувна кај скопското село Авјатовци, на територија на општина Илинден, е ставен под контрола и повеќе не се шири, информираат утринава од Центарот за управување со кризи (ЦУК).
„Пожарот се гаснеше непрекинато во текот на целата ноќ од страна на скопските пожарникари и доброволци од локално население предводени од градоначалникот на Општина Илинден, Александар Георгиевски“, информираат од ЦУК.
Видете и ова: Ангелов: Пожарот кај скопско Ајватовци надвор од контролаПретходно директорот на ЦУК Стојанче Ангелов синоќа информираше дека пожарот зафатил поголема површина од најмалку 30-тина хектари од кои поголемиот дел е зимзелена шума.
Тој нагласи дека пожарот е веќе излезен од атарот на скопското село Ајватовци и додаде дека е изгорени и Ајватовски рид.
Ангелов најави дека уште од рано наутро двата полициски хеликоптера ќе почнат да дејствуваат на пожарот, а нешто подоцна ќе им се приклучат и двата авиони ер трактор на Дирекцијата за заштита и спасување.