Литванија прогласи повеќе од илјада граѓани на Русија и Белорусија кои живеат во земјата за опасни по националната безбедност. Таа соопшти дека им ги одзема дозволите за постојан престој.
Одделот за миграција соопшти дека утврдил дека 1 164 белоруски и руски државјани кои живеат во Литванија претставуваат закана за националната безбедност. Од нив 910 се Белоруси, а 254 Руси.
Одлуката доаѓа откако владата побара од Русите и Белорусите да одговорат на прашалникот кој вклучуваше прашања за нивните ставови за руската инвазија на Украина и статусот на Крим, украинската територија која Русија незаконски ја анектираше во 2014 година.
Видете и ова: Литванија повикува дополнителни сили на НАТО на границатаЛитванија, балтичка нација која ја прогласи својата независност од Советскиот Сојуз пред повеќе од 30 години, е демократија која припаѓа на НАТО и на Европската Унија.
Таа беше силен поддржувач на Украина, а исто така и место за засолниште во последниве години за многумина кои избегаа од авторитарната акција во соседна Белорусија и зголемената репресија во Русија.