Авион на Дирекцијата за заштита и спасување интервенира на пожарот кој беснее кај Гоцева шума во Неготино, соопштија од Центарот за управување со кризи.
„Авионот „ер трактор" на ДЗС полетал и ја погодил со вода токму локацијата со пожар каде што требало, согласно наведувањето од противпожарните сили од земја. Пожарот почнал да се контролира, иако се уште дувало променлив ветар. Со вториот налет најветојатно ќе биде локализиран и совладан и од противпожарните сили кои дејствуваат по земја“, наведуваат од ЦУК.
На терен гаснат пожарникари од Неготино и Кавадарци, а на самото место е и неготинскиот градоначалник Горан Стојанов.
Видете и ова:
Пожари гасиме со стари возила, за нови - спасот го гледаме во ЕУШумата што гори кај Неготино била подигната есента во 1972 година, во чест на 100 - годишнината од раѓањето на Гоце Делчев.
Пошумувањето на спомен шумата било државен проект, на Инвестицискиот фонд за пошумување на голините. Пошумени биле околу 350 хектари површина со зимзелени и листопадни дрвја.
Ова не е прв пат да гори дел од Гоцева шума. Пожар имаше и пред неколку години. Во август 2016 година изгореа околу 30 хектари борови дрвја, тревка и меѓи, а беа зафатени и лозови насади.