Спасувачите се борат да стигнат до луѓето заробени во поплавен тунел на 16 јули во Јужна Кореја, откако обилните дождови предизвикаа поплави и лизгање на земјиштето.
Јужна Кореја е на врвот на летната сезона на монсуните, а во последните четири дена обилните врнежи предизвикаа излевање на голема брана.
Полицијата соопшти дека загинале 35 лица, а уште 10 се водат за исчезнати, главно во затрупани одрони. Спасувачите се уште се борат да стигнат до повеќе од 10 автомобили заробени во подземен тунел од 430 метри во Чеонгџу, провинцијата Северен Чунгчеонг, соопштија надлежните.
Тунелот беше потопен во саботата наутро откако навлегоа поплави и луѓето внатре не можеа да избегаат, според новинската агенција Јонхап.
Девет тела се извлечени од тунелот, а нуркачите деноноќно работат во потрага по повеќе жртви, соопшти Министерството за внатрешни работи на Јужна Кореја.