Неколку украински региони прогласија тревога за воздушна закана утрото на 14 јули, бидејќи Русија повторно лансираше беспилотни летала од Иран, соопштија украинските власти.
„Шест беспилотни летала беа соборени од украинската противвоздушна одбрана над индустрискиот град Криви Рих, во јужната област Дњепропетровск,“ напиша регионалниот гувернер Серхи Лисак на Телеграм.
Лисак изјави дека не било можно да се уништат сите беспилотни летала, а во Кривиј Рих била оштетена една комунална компанија. Тој додава дека во градот е оштетена и локална транспортна компанија и неколку згради, додека индустриската опрема е уништена. Во нападот бил повреден 56-годишен маж.
Видете и ова:
Русија изврши напади со беспилотни летала врз Киев, сите се одбиениОлександр Вилкул, шеф на градскиот совет за одбрана, на Телеграм напиша дека и покрај штетите, комуналните служби работат.
Украинската противвоздушна одбрана објави дека соборила 16 од 17-те беспилотни летала од иранско производство што ги користела Русија во нападот.
Четвртиот последователен ден од нападите со руски беспилотни летала се случи откако најмалку две лица беа убиени, а неколку ранети во Киев и други украински региони.