Топлотен бран зафати делови од јужна Европа и северозападна Африка, со можни рекордни температури во наредните денови. Се очекува температурите да надминат 40 целзиусови степени во делови од Шпанија, Франција, Грција, Хрватска и Турција.
Во Италија температурите би можеле да достигнат до 48,8 степени Целзиусови. Црвен аларм е прогласен за десет градови, меѓу кои Фиренца и Рим.
Италијанското метеоролошко друштво го нарече топлотниот бран Кербер по митското чудовиште со три глави, кучето чувар на пеколот.
Метеоролошката канцеларија вели дека температурите ќе го достигнат врвот во петок, 14 јули, а BBC Weather вели дека големи делови од јужна Европа би можеле да забележат температури над 40 степени.
Видете и ова:
Летните горештини во Европа ќе стануваат рутинаМинатата година 60 000 луѓе загинаа за време на летните топлотни бранови во Европа, а како што открија научниците, топлината станала посмртоносна поради ефектот на стаклена градина што се создава на планетата.
Статистичарите на Европската Унија прогласија состојба на тревога во август 2022 година, бидејќи екстремните горештини, сушата и пожарите зафатија голем дел од континентот, откако забележаа невообичаено голем број луѓе кои умираат за време на најжешкото лето во Европа досега.
Користејќи ги овие модели, експертите за јавно здравје утврдија колку смртни случаи може да се поврзат со високите температури. Тие открија дека 61 672 луѓе починале од причини поврзани со топлина во Европа помеѓу 30 мај и 4 септември 2022 година.
Стапката на смртност била највисока во Италија, Грција, Шпанија и Португалија.