Експлозија одекна во џамија во северната авганистанска провинција Бадакшан, при што загинаа поранешниот командант на талибанските безбедносни сили во градот Баглан и „неколку други“.
Шефот за информации и култура на провинцијата Бадакшан, Моазудин Ахмади за авганистанскиот сервис на Радио Слободна Европа изјави дека експлозијата се случила на 8 јуни за време на церемонијата во џамијата.
Видете и ова: Авганистанските специјални сили убија двајца припадници на Исламската држава„Во овој инцидент, поранешниот полициски командант загина. Цивилните жртви се големи, конечната бројка сè уште не е позната“, изјави тој.
Три дена претходно, вршителот на должноста гувернер на талибанците во Бадакшан беше убиен во самоубиствен напад со автомобил-бомба.