Американската Администрација за храна и лекови (ФДА) даде целосно одобрение за пилулата Паксловид за Ковид-19 на Фајзер. Таблетата е наменета за возрасни кои имаат висок ризик од потешка форма на болеста предизвикана од корона вирусот.
Одобрувањето на пилулата, првично одобрено за итна употреба кон крајот на 2021 година, ќе им даде на лекарите поголема флексибилност во препишувањето на пилулата за возрасни со тешки симптоми на ковид-19.
Видете и ова: СЗО- Не ги одложувајте реформите за да се подготвите за следната пандемија„Денешното одобрување покажува дека Паксловид ги исполни ригорозните стандарди на агенцијата за безбедност и ефикасност и останува важна опција за третман за луѓето со висок ризик да прогресираат до тежок ковид-19“, рече Патриција Кавазони од ФДА.
Податоците презентирани од ФДА и Фајзер помогнаа да се олесни загриженоста за можното враќање на ковид-19 по пет дена третман со Паксловид.