Кинескиот претседател Си Џинпинг му понудил поддршка на рускиот премиер Михаил Мишустин од Пекинг за „клучните интереси“ на Москва на денешната средба.
Посетата на Мишустин е највисоката посета на руски функционер на Кина од минатогодишната инвазија на Украина, потсетува агенцијата Асошиејтед прес (АП).
Си му рекол на Мишустин дека Кина и Русија ќе продолжат да си пружаат „цврста поддршка во прашањата од суштински интереси и да ја зајакнат соработката во мултилатералните арени“, објави кинеската официјална новинска агенција Ксинхуа.
Кина и Русија треба „да ја подигнат соработката во различни полиња на повисоко ниво“, рече тој, и „да го подигнат нивото на економска, трговска и инвестициска соработка“.
Рускиот премиер претходно потпиша серија договори со Кина за време на посетата на Пекинг, опишувајќи ги билатералните врски на високо ниво како „без преседан“, и покрај неодобрувањето од Западот.
Пред Си, премиерот Михаил Мишустин разговараше со кинескиот премиер Ли Џијанг.
Посетата дојде откако Русија и Кина жестоко реагираа на декларации на Групата седум изминатиот викенд, кои ги издвоија двете земји за низа прашања, вклучително и Украина.