Ахмед Харун, поранешен судански политичар баран за наводни злосторства против човештвото рече дека тој и другите поранешни функционери повеќе не се во затвор. Харун беше меѓу оние во затворот Кобер во главниот град Картум кои се соочуваат со обвиненија од Меѓународниот кривичен суд (МКС).
Засeга прекинот на огнот меѓу завојуваните воени фракции во голема мера се одржува. Но, постојат сомневања за посветеноста на двете страни за траен мир.
Конфликтот, кој започна на 15 април, произлезе од жестоката борба за моќ меѓу водачите на регуларната армија на Судан и ривалската паравоена група, Силите за брза поддршка (РСФ). Претходно оваа недела имаше извештаи за бегство од затворот Кобер, каде што Ахмед Харун одлежуваше казна заедно со Омар ал-Башир, поранешниот претседател на Судан.
Харун потврди во изјавата емитувана на суданската телевизија Тајба дека тој и другите лојалисти на Башир кои служеа под негова контрола го напуштиле затворот, но рече дека ќе биде подготвен да се соочи со правдата кога и да функционира.
Во аудио порака што кружи на социјалните мрежи, Харун тврди дека на групата и во нивното бегство и помогнале затворските чувари и вооружените сили.
„Донесовме одлука да се заштитиме поради недостаток на безбедност, вода, храна и третман, како и поради смртта на многу затвореници во Кобер“, изјави Харун, за еден дневен весник.
Харун беше клучен играч во бруталниот одговор на суданската влада на двете долготрајни и сè уште нерешени граѓански војни: во Дарфур (од 2003 година) и во Јужен Кордофан (од 2011 година).
Тој беше обвинет од МКС во 2007 година за неговата наводна улога во злосторствата во Дарфур - опишан како прв геноцид на 21 век и кога беше министер за внатрешни работи на земјата.
Харун се соочува со 20 точки од обвинението за злосторства против човештвото и 22 точки од обвинението за воени злосторства, заедно со обвиненија за убиство, силување, прогон и тортура. Харун ги негира обвинувањата.