Бесими се сретна со вработените во култура, но нема повисоки плати

Нема зголемување на платите на вработените во културата и покрај протестите.

Тие на 7 април имаа средба со министерот за финансии Фатмир Бесими, но тој не го прифати барањето за зголемување на платите. Бесими на средба ги прими претставниците на УПОЗ и министерката за култура, но не го прифати барањето да се склучи нов Колективен договор со кој платите ќе им се зголемат за 30 проценти.

Вработените во Министерството за култура, Управата за културно наследство и Агенцијата за филм протестираа три недели оти зимале потпросечни плати. Пред да се сретнат со министерот денеска протестираа пред Владата.

Видете и ова: Административците од култура продолжуваат со протестите пред владата

Протестите продолжуваат и од понеделник, најавија вработените во културата.

Според нив, платите на речиси 70 отсто од вработените се под просечната плата во државава, а разликата со платите на вработените на истите позиции во установите од областа на културата била и по 10.000 денари.