Премиерот Димитар Ковачевски денеска повторно ги повика бугарските власти да ги почитуваат пресудите на Судот за човекови права во Стразбур, коишто Бугарија ги нема спроведено до денес во однос на почитувањето на правата на здружување на Македонците.
„Македонци има во скоро сите држави во светот, како што има Македонци во САД, во Германија, во Швајцарија, така има Македонци и во Бугарија и во Грција, значи луѓе кои се определуваат како Македонци и ним им следуваат сите права што им следуваат на сите граѓани слободно да ја изразат својата желба за самоопределување“, рече Ковачевски денеска при посета на Клиниката за гастроентерохепатологија во одговор на новинарско прашање.
Видете и ова: Македонија се сопнува од секој камен фрлен кон бугарските клубовиТој вели дека постојат пресуди на Судот за човекови права што Бугарија ги нема спроведено до денес да дозволи здружување на Македонците од Бугарија, но Софија одбива.
Македонија и Бугарија водат долгогодишен идентитетски, јазичен и историски спор, поради кој се блокирани и македонските евроинтеграции.