Обединетите нации упатија апел за 397 милиони долари за помош на жртвите од земјотресот во Сирија, каде се загинати илјадници луѓе, а на милиони други им треба итна помош.
„Денеска објавувам дека ОН упатија хуманитарен апел за 397 милиони долари за населението погодено од земјотресот во Сирија. Тоа ќе биде доволно за три месеци“, рече генералниот секретар на ОН, Антонио Гутереш.
Тој ги повика сите земји-членки на ОН „целосно и без одлагање да го финансираат“ повикот за помош за гарантирање на хуманитарната помош која, како што наведе, „очајнички им е потребна на речиси пет милиони Сиријци“ и која вклучува засолништа, медицинска нега и храна.
Видете и ова: Бројот на загинати во земјотресот во Турција се искачи на 31.974„Потребите се огромни и сите знаеме дека спасувачката помош не доаѓа со потребната брзина или обем“, рече генералниот секретар на ОН.
Тој истакна дека една недела по разорните земјотреси, милиони луѓе ширум регионот се борат да преживеат, без покрив над главата и се соочуваат со ниски температури.
Два разорни земјотреси на 6 декември ги погодија јужните делови на Турција и северна Сирија. Од тогаш се регистрирани уште над 3100 помали потреси.
Бројот на жртви од земјотресот надмина 37 илјади. Десетици илјади се повредени, а милиони луѓе останаа без покрив над глава.