Уште еден неидентификуван објект е соборен над северноамериканскиот воздушен простор, потврди канадскиот премиер Џастин Трудо.
Тој рече дека најновиот објект „го нарушил канадскиот воздушен простор“ и бил соборен над Јукон во северозападна Канада.
И канадските и американските авиони се обидоа да го најдат објектот, за кој Трудо рече дека бил уништен од американски борбен авион Ф-22.
Тоа е трет објект што е соборен над Северна Америка во последните седум дена.
Видете и ова: САД соборија нeидентификуван летачки објект над АлјаскаАмериканската војска минатиот викенд уништи кинески балон, а во петокот неидентификуван објект со големина на мал автомобил беше соборен кај Алјаска.
Трудо во саботата потврди дека ја издал наредбата и дека разговарал со американскиот претседател Џо Бајден.
„Канадските сили сега ќе ги извлечат и анализираат остатоците од објектот“, напиша тој на Твитер.
Најновиот неидентификуван објект леташе над централниот дел на Јукон на околу 12.000 метри и беше пресретнат во саботата околу 15:41 часот по локално време“, изјави за новинарите министерката за одбрана Анита Ананд.
Таа го опиша како „мал“ и „цилиндричен“, но рече дека се уште се разработуваат повеќе детали.
Белата куќа соопшти дека објектот бил надгледуван „во последните 24 часа“.