Турција е подготвена да изврши притисок за локални прекини на огнот во Украина и предупреди дека ниту Москва ниту Киев немаат воени средства да „победат во војната“, пренесува агенцијата Франс прес.
Советникот за надворешна политика на претседателот Реџеп Тајип Ердоган, Ибрахим Калин, призна дека изгледа малку веројатно дека завојуваните страни се подготвени да постигнат „сеопфатен мировен договор“ во наредните месеци. Но, тој рече дека огромните трошоци за војната наскоро би можеле да ги натераат да се преиспитаат и да прифатат примирја во одредени делови од воената зона.
Турција смета дека војната во Украина нема да заврши лесно
Турција, која има пријателски односи со двата нејзини соседи во Црното Море, се позиционираше како неутрален играч и се обиде да постигне примирје меѓу двете земји и беше домаќин на две рунди на мировни преговори меѓу Украина и Русија.
Руската инвазија врз Украина започна на 24 февруари 2022.