Поранешниот градоначалник на Битола, Владимир Талески започна со издржување на затворска казна за случајот „Транспортер“. Тој синоќа бил спроведен во затворот во Прилеп. Талески помина три години во домашен притвор, а во меѓувреме земаше плата од Битолскиот народен театар каде е вработен како актер.
Случајот за кој е осуден тој и уште 20 лица се однесува на злоупотреба на службената положба во врска со организирањето превоз на ученици во Битола, со што е направена проневера на околу 360.000 евра. Поранешното Специјално јавно обвинителство (СЈО) го отвори овој случај во април 2016, додека Талески беше градоначалник на Битола од редовите на ВМРО-ДПМНЕ.
Видете и ова: Апелација му ја намали за една година казната на поранешниот битолски градоначалник ТалескиАпелациониот суд во Скопје на 28 декември му ја намали казната од осум на седум години затвор, па на Талески му остануваа уште четири години за одлежување.