Второто полугодие од школската година наместо на 18 јануари ќе започне на 23 јануари, одлучи Владата на денешната седница.
На седницата се одлучувало по предлог на Министерството за образование и наука да се продолжи зимскиот распуст. Ваквата одлука е донесена за да се заштеди на греење и за да заштити здравјето на децата.
Во изминатиот период грипот и сезонските настинки ги полнат детските болници и амбуланти.
Училиштата, пак, од 1 декември користат поевтина струја, откако со владина одлука се вратија на регулиран пазар на струја. Но од вкупно 474 јавни основни и средни училишта, за снабдување со субвенционирана електрична енергија преку ЕСМ Продажба се пријавиле 309 училишта, а третина од училиштата или воопшто не аплицирале, или имале нецелосна апликација.
Видете и ова: Неспособност, политика или документација- третина училишта без поевтина струја
„Второто полугодие ќе започне на 23 јануари (понеделник) со физичко присуство за сите ученици“, соопшти владината прес-служба.
Распустот на учениците започна со стартот на новата година и требаше да трае до 18 јануари(среда). Четвртокот (19 јанари) е државен празник во Македонија и е неработен ден, па учениците го добиваат само петокот како ден плус од распуст.