Поранешниот папа Бенедикт Шеснаесетти почина во својата резиденција во Ватикан, на 95-годишна возраст, речиси една деценија откако поднесе оставка поради нарушено здравје.
Тој ја водеше Католичката црква помалку од осум години додека, во 2013 година, стана првиот папа што поднесе оставка по Григориј XII во 1415 година.
Бенедикт ги поминал своите последни години во манастирот Mater Ecclesiae во рамките на ѕидините на Ватикан. Неговиот наследник, папата Франциско, рече дека често го посетувал таму.
Во соопштението на Ватикан се вели:
„Со тага ве известуваме дека почесниот папа Бенедикт Шеснаесетти почина денеска во 9:34 часот во манастирот Mater Ecclesiae во Ватикан. Дополнителни информации ќе бидат доставени што е можно поскоро“.
Видете и ова: Поранешниот папа Бенедикт е во стабилна состојбаИако поранешниот понтиф беше болен подолго време, Светата столица соопшти дека неговата состојба се влошила поради староста.
Во средата, папата Фрањо на својата последна аудиенција годинава во Ватикан апелираше „да се каже посебна молитва за почесниот папа Бенедикт“, за кој рече дека е многу болен.
Роден Џозеф Рацингер во Германија, Бенедикт имал 78 години кога станал еден од најстарите папи некогаш избран во 2005 година. За време на поголемиот дел од неговото папство, Католичката црква се соочи со обвинувања, правни тврдења и официјални извештаи за децениска злоупотреба на деца од страна на свештениците.
Претходно оваа година, поранешниот папа призна дека биле направени грешки во справувањето со случаите на злоупотреба додека бил надбискуп на Минхен помеѓу 1977 и 1982 година.