Илјадници луѓе денеска излегоа на улиците на Брисел на протест против се повисоките трошоци за живот.
Јавниот превоз беше запрен, а Самитот на Европската унија беше прекинат.
Полицијата соопшти дека на протести излегле 16500 луѓе во организацијата на синдикатите кои претставуваат многу работници во јавниот сектор. Тие бараат повисоки плати и подобри работни услови, додека инфлацијата во Европа расте.
„Зголемете ги платите и пензиите“, пишува на еден од транспарентите на протестот.
Видете и ова: Храната на берзите поевтинува, во Македонија цените растатЦените на гасот и електричната енергија пораснаа по руската инвазија врз Украина.
Вкупната инфлација во Белгија во ноември беше 10,6 отсто.
Протестот помина мирно, но бриселскиот аеродром соопшти дека летовите морале да бидат откажани.