Севернокорејскиот лидер Ким Џонг Ун го надгледуваше тестирањето на ракетниот мотор со цврсто гориво потисок за ново стратешко оружје чиј развој, како што се проценува, ќе му овозможи на Пјонгјанг да произведува помобилни, помалку забележливи интерконтинентални балистички ракети со дострел до копното на САД, објави агенцијата АП. Ким ги пофали научниците и техничарите за време на тестот, велејќи дека очекува новото оружје да биде направено „во најкраток временски период“.
Северна Кореја истрела сомнителна интерконтинентална балистичка ракета, слета во близина на Јапонија
Новиот мотор најверојатно ќе биде интерконтинентална балистичка ракета со цврсто гориво, која е еден од високотехнолошките системи за оружје што Ким, на минатогодишната конференција на владејачката Работничка партија, вети дека ќе бидат развиени. Северна Кореја во последниве месеци изведе тестови на балистички ракети со можност да носат нуклеарни боеви глави. Северна Кореја веќе има растечки арсенал на балистички ракети со краток дострел и со цврсто гориво, кои цели на клучни локации во Јужна Кореја, вклучувајќи ги и американските воени бази таму.