Русија денеска ја нападна Украина со проектили, погодувајќи ја критичната инфраструктура низ целата земја, соопштија украинските власти. Локалните власти соопштија дека инфраструктурата била погодена во источниот регион Харкив, црноморскиот регион Одеса и во Виниција во западна централна Украина. Харкив, централниот град Полтава и делови од Киев останаа без електрична енергија, а северниот регион Суми има прекин на електричната енергија, соопштија регионалните власти. Силни експлозии одекнаа низ Киев, рекоа очевидци на Ројтерс во главниот град, а системи за противвоздушна одбрана беа во функција низ Украина. Украинскиот железнички оператор соопшти дека голем број железнички линии останале без струја.
Кремљ: американските системи Патриот во Украина би биле легитимна цел
Кирило Тимошенко, заменик-шеф на кабинетот на претседателот, рече дека е погодена станбена зграда во централниот град Кривји Рих, каде што рече дека луѓето би можеле да останат заробени под урнатините. Русија „масовно ја нападна Украина“, рече Олексеј Кулеба, гувернер на регионот Киев. Нема информации за жртви и не е јасно точно која критична инфраструктура била погодена. „Не ги игнорирајте предупредувањата за воздушни напади, останете во засолништа“, напиша Кирило Тимошенко на апликацијата за пораки Телеграм. Русија, која ја нападна Украина во февруари, ја ракетира украинската енергетска инфраструктура од октомври, предизвикувајќи прекини на струја низ целата земја на почетокот на зимата. Москва вели дека нападите врз основната инфраструктура се воено легитимни. Украина смета дека нападите со намера да предизвикаат мизерија кај цивилите се воено злосторство.