Германскиот канцелар Олаф Шолц денеска изјави дека во интерес на Германија и Европа е останатите земји од Балканот да и се приклучат на Европската унија. Говорејќи во Парламентот пред еднодневниот самит на 27-члениот блок во Брисел, Шолц го поздрави оживувањето на преговорите за пристап во ЕУ со шесте земји од Западен Балкан во последните месеци и одлуката оваа недела да и се додели кандидатски статус на Босна. „Во наш германски и наш европски интерес е остатокот од Балканот да стане дел од Европската унија“, рече тој пред пратениците во Берлин.
Борел: Кандидатскиот статус за БиХ е порака до граѓаните дека нивната иднина е во ЕУ
Шолц, исто така, ја пофали одлуката да и се дозволи на Хрватска да се приклучи на европската зона за патување без лични карти и рече дека Бугарија и Романија треба „да следат наскоро“. Австрија ја блокираше кандидатурата на двете земји за приклучување во таканаречената Шенген зона.